Дэлхийн даяар “Олон улсын музейн өдөр”-ийг жил бүрийн 5 дугаар сарын 18-ны өдөр тэмдэглэн өнгөрүүлдэг билээ.

Энэ жил “Олон улсын музейн өдөр”-ийг музейн хүч, нөлөө уриан дор тэмдэглэн өнгөрүүллээ.

Улаанбаатар хотын музейгээс 5 дугаар сарын 18-ны өдөр   хүүхэд багачуудад зориулан “Хөрөг” сан хөмрөгийн сэдэвчилсэн үзэсгэлэн болон музейн боловсролын ажлын хүрээнд “Бидний Баатар хот” боловсролын ажлыг зохион байгуулсан. Энэхүү үйл ажиллагаанд 50 гаруй хүүхэд хамрагдлаа.

Мөн “Олон улсын музейн өдөр”-ийг тэмдэглэн өнгөрүүлэх ажлын хүрээнд 5 дугаар сарын 28-ны өдөр “Хөрөг” сан хөмрөгийн сэдэвчилсэн үзэсгэлэн, Нүүрэн дээр зураг зурах үйлчилгээ, Ибру урлаг буюу усан дээр зураг зурах үзүүлбэр ба хүүхэд, гэр бүлд зориулсан зураг зурах үйлчилгээ, уран бичлэгийн үзүүлбэр үйлчилгээ, хөрөг зургийн үзүүлбэр үйлчилгээ зэрэг үйл ажиллагааг зохион байгуулав.

Арга хэмжээний үеэр Монголын хамгийн өндөр хүн “Өндөр Гонгор”-той хамт гэрэл зургаа авхуулах, Музейн брэнд дүр болох “Хотудай”-тай хамт гэрэл зургаа авхуулах үйлчилгээг мөн зохион байгуулсан.

Энэ үеэр Музейн боловсролын ажлын хүрээнд “Бидний Баатар хот” боловсролын ажилд Хан-Уул дүүргийн 118 дугаар сургуулийн сурагчид болон үйл ажиллагаанд оролцсон гэр бүлүүд идэвхтэй оролцсон.

Тус үйл ажиллагаанд нийт 80 гаруй сурагч, 150 иргэн оролцлоо.