Ерөнхий музейнүүд

Нийтлэл №2
Ерөнхий музей нь нэгээс олон сэдвээр цуглуулгатай байдаг тул заримдаа олон салбар эсвэл салбар дундын музей гэж нэрлэдэг. Дийлэнх олонх нь 18, 19, 20-р зууны эхэн үед байгуулагдсан, хувийн цуглуулгуудаас гаралтай бөгөөд тухайн үеийн нэвтэрхий толь бичгийг тусгасан байдаг. Зарим ерөнхий музей нь худалдаагаар дамжсан соёлын харилцааны нөлөөг харуулдаг.

Энэ төрлийн музейд хэд хэдэн чухал төрөлжсөн цуглуулгууд байдаг бөгөөд энэ нь тэдгээрийг нэгээс олон төрөлд ангилах боломжтой юм. Энэ нь ялангуяа төрөлжсөн музейд үзүүлсэн материалын тоо хэмжээ, чанараас хэтрэхгүй бол нэг буюу хэд хэдэн чиглэлээр цуглуулгатай байж болох олон томоохон ерөнхий музейнүүдэд хамаарна.

Зарим үндэсний музейнүүд үндсэн байрандаа ерөнхий цуглуулгаа үзүүлдэг бөгөөд олонх нь ийм маягаар эхэлдэг боловч хожим талбайгаа нэмэх хэрэгцээ нь цуглуулгуудыг хувааж, төрөлжсөн музейн өсөлтийг нэмэгдүүлдэг.
Ерөнхий музейн дунд хамгийн түгээмэл нь тухайн бүс нутаг эсвэл орон нутагт үйлчилдэг музей юм. Тэдний ихэнх нь иргэний бахархал, тухайн нутгийн тухай сурталчлах хүсэл эрмэлзэлд үндэслэсэн байдаг. Тэд зүүн болон баруун Европт өргөн тархсан бөгөөд Энэтхэг, Австрали, Шинэ Зеланд, Хойд ба Өмнөд Америкт нилээд түгээмэл байдаг.

Тэдний гол үүрэг бол тухайн нутгийн байгаль, хүн төрөлхтний түүх, уламжлал, бүтээлч сэтгэлгээг үзмэрээр дамжууулан үзүүлэх явдал юм. Ихэнх тохиолдолд ийм байдлаар үйлчилдэг нийгэмлэг нь соёлын хувьд нэг төрлийн байдаг. Эс бөгөөс музей нь янз бүрийн ард түмний харилцан ойлголцлыг бий болгохын тулд тусгай хөтөлбөр боловсруулж болно.

Английн Брэдфорд хотын музейн үзмэрийн дээжээс.

Английн Брэдфорд, Лестер зэрэг цагаачид ихтэй хотуудад бүс нутгийн музей ийм ажилд идэвхтэй оролцдог. Заримдаа үндэсний музей эсвэл бусад агентлагаас бэлтгэсэн тусгай үзэсгэлэнгүүд нь бүс нутгийн музейд олон нийтэд үндэсний эсвэл илүү өргөн хүрээтэй олон улсын өвтэй танилцах боломжийг олгодог.
Нийтлэг музей, ялангуяа бүс нутгийн болон орон нутгийн түвшинд, ялангуяа өргөн хүрээтэй судалгааны хөтөлбөрийг хэрэгжүүлсэн тохиолдолд олон төрлийн цуглуулгуудыг арчлахад шаардлагатай олон тооны мэргэжилтнүүдийг ажиллуулах зардал өндөр байдаг тул хүндрэлтэй асуудалтай тулгардаг. Зарим музейд судлаачид, ялангуяа археологи, түүх, байгалийн шинжлэх ухааны чиглэлээр судалгааны ажил төрөлжиж, тухайн бүс нутгийн байгаль орчныг бүртгэх, мэдээллийн сан бэлтгэхэд оролцдог болсон тул шинжлэх ухааны болон түүхийн ач холбогдолтой газарт хэрэгжих төсөл төлөвлөгч, боловсруулагчдад зөвлөгөө өгч ажилладаг. Бусад ерөнхий музейнүүдийн хувьд уламжлалт үүргээ хэвээр хадгалсаар ирсэн боловч олон талт арга барил нь үзэсгэлэнгээрээ илэрхийлэгддэг Японы Йокохама хотын Каназава Бунко музейн нэгэн адил олон нийтэд чиглэсэн үйлчилгээнд хүчин чармайлтаа төвлөрүүлдэг. Бүс нутгийн болон орон нутгийн олон музейн дэмжин ажилладаг бусад бүтээн байгуулалтын ажлууд нь археологийн болон байгалийн онцлогийг тайлбарлах зорилгоор газар дээр нь музей, хүрээлэн буй орчны талаар өгүүлэх өвийн төвүүдийг ялангуяа хот суурин газруудад байгуулах болон музейн гадуурх үйл ажиллагаа болох өв соёл, байгалийн жимийг хөгжүүлэх явдал юм.
Зарим музей нь тодорхой үзэгчдэд зориулагдсан бөгөөд ихэвчлэн зорилгодоо нийцүүлэн ерөнхий цуглуулгуудыг олж цуглуулдаг. Эдгээрийн нэг нь хүүхдийн музей (насанд хүрэгчдийн музей бас байдаг) бөгөөд интерактив үзмэрүүдийг байнга үзүүлдэг. Сонирхолтой жишээнүүд гэвэл Нью-Йорк хотын Бруклины хүүхдийн музей, Бостон дахь Хүүхдийн музей, Индиана дахь Индианаполис хотын асар том хүүхдийн музей (12 га талбай дээр байрладаг бөгөөд жилд нэг сая гаруй зочдыг татдаг) болон Шинэ Делигийн Үндэсний Хүүхдийн Музей орно. Мөн Нью-Йорк хотод 2002 онд нээж, маш их маргаан үүсгэсэн Сексийн музей гэх мэт зөвхөн насанд хүрэгчдэд зориулсан музей байдаг.

АНУ-ын Индианаполис хотын Хүүхдийн музей нийт 12 га талбайд байрладаг байна.