/2022.11.25/: Монгол Улс, Япон Улсын хооронд дипломат харилцаа тогтоосны 50 жилийн ой энэ жил тохиож байгаа билээ.

Энэхүү ойг тохиолдуулан хоёр орны эрдэмтэн судлаачид, шинжээч мэргэжилтнүүд өнгөрсөн жилүүдэд хамтран хэрэгжүүлсэн төсөл, хөтөлбөрийнхөө үр дүнг танилцуулж, санал шүүмж өрнүүлэн, цаашдын хамтын ажиллагааны чиглэлээ тодорхойлох “Монгол-Японы соёлын өвийн форум” зохион байгуулагдлаа.

Форумын үеэр Монгол Улсын соёлын өвийг хамгаалах бодлогын хэрэгжилт, дэлхийд тархсан Монгол өв төсөл ба Япон дахь Монгол өвийн тухай, Монгол-Японы хамтарсан “Бичээс” төслийн ач холбогдлыг үйсэн дээрх бичээсээр илэрхийлэхүй, Япон дахь Монголын соёлын өвийн судалгааны өнөөгийн байдал, цаашдын төлөв гэсэн дөрвөн үндсэн сэдвээр судлаач, эрдэмтдийн илтгэл, хэлэлцүүлгүүд зохион байгуулагдлаа. Тус форумд Улаанбаатар хотын музейн захирал П.Даваасүрэн, арга зүйч Б.Өлзийбаяр нар оролцов.

Эх сурвалж: Соёлын яам